حلم انى اكون رفيع

حلم انى اكون رفيع "من 120 كيلو إلى 80 فى شهرين وبس"

بعد فتره قضيتها فى إكتئاب وقاعد فى البيت مش بعمل حاجه غير إنى أكل وأنام وزنى زاد ووصل 120 كيلو..كارثه طبعا..بصراحه 

انا مكنتش رفيع أوى قبل كده بس برضو كان وزنى معقول..المهم بقيت ألبس اللبس الواسع المبهدل ومهما اشترى لبس غالى وشكله 

حلوه أول ما البسه شكله يبقى وحش 

عليا..تبتدى بئا المضايقات فى كل مكان فى الشارع نظرات الناس ليا كلها تريقه او شفقه ولما اركب ميكروباص يقول اقعد فى الكرسي 

اللى قدام عشان انت تخين وفى الجامعه لما يقولوا عاوزين نفطر ونروح نجيب اكل انا كنت اقل واحد باكل فيهم بس لازم يتريقوا عليا 

برضو "بمعنى اصح كنت بخاف 

اجيب اللى نفسى فيه عشان محدش يتريق عليا" كنت حاسس انى متحاصر فى كل حته..مبقتش اعرف اقعد براحتى ولا امشى براحتى 

ولا اكل براحتى بصراحه حاجه تخنق وبتجرح أوى.

كان لازم كل يوم اول مارجع من الجامعه انام معيط "اه انا ولد وراجل وبعترف انى كل يوم كنت بنام معيط من كتر الخنقه" لحد ما 

الخنقه وصلت أخرها قررت أنى يا أعيش دايما مكسور أو أخس وأعيش براحتى.

أبتديت ادور ايه اسرع طريقه اخس بيها جربت انزل العب حديد وجربت اجرى وعملت ابحاث فى الموضوع ده وجربت ادويه الريجيم 

المهم ان مفيش حاجه من دول نفعت معايا ووصلت للطريقه اللى خلتنى اخس فى شهرين 30 كيلو ..اه والله وصل وزنى 80 كيلو فى 

شهرين بس ومن غير ادويه ولا 

حقن ولا اى حاجه..انا عارف انى رغيت كتير بس كان لازم اوصلكوا ان الموضوع مش مستحيل و والله حياتكوا هتتغير تماما بعد ما 

تخسوا ويبقى شكلكوا حلو ونظره الناس هتتغير ليكوا..وكمان نظرتك لنفسك هتتغير بجد 180 درجه.

ابتدى بئا فى الطريقه اللى خلتنى اقدر اخس كل ده واغير حياتى تماما....

أولا هقول الحاجات اللى فاكرين انها بتخسسنا وهى فى الاصل ملهاش لازمه ويمكن كمان بتزودنا وزن.
1
- التمارين....اه التمارين زى تمارين البطن والارداف والصدر وكل التمارين الموضعيه دى..اوعى تفتكروا انكوا لو عاوزين تنزلوا 

الكرش يبقى تعملوا تمارين بطن..بيحصل ايه لما بتعملوا كده؟؟ لما نعمل تمارين بطن مش بتحرق الدهون اللى على البطن وهنعرف ليه 

فى النقطه اللى جايه ..لما بنعمل تمارين 

بطن بنشد ونكبر عضلات البطن نفسها واللى بتكون ورا الدهون ونتيجه لكدا لو عندك كرش يبقى شكله هيكبر اكتر عشان العضلات 

كبرت وراه..
2
-مفيش حاجه اسمها اسمها اخسس منطقه معينه لوحدها..الجسم لما بيخس يبقى بيحرق الدهون بالتساوى من كل الجسم مش من منطقه معينه.
3
-الجسم بيتعامل بحاجه اسمها السعرات الحراريه وطول الوقت بيكون فى حاله من 3 حالات دول

- لو بياخد سعرات حراريه زياده عن اللى محتاجها وساعتها هيحرق اللى محتاجه عشان الطاقه والباقى هيخزنه فى شكل دهون

-او بياخد سعرات حراريه قد اللى محتاجها بالظبط وساعته بيكون فى حالة ثبات لا بيزيد ولا بينقص

- او بياخد سعرات حراريه اقل من اللى محتاجها وساعتها بيبتدى يدور على الدهون اللى مخزنها ويحولها لسعرات حراريه عشان يعرف يقوم بالنشاط بتاعه 

وان شاء الله هجيبلكو قايمه فيها السعرات الحراريه لكل الاكل اللى ممكن تاكلوه واجيب كمان الجسم بيحرق قد ايه فى كل نشاط 

كده خلصنا الجزء بتاع الاكل وعرفنا هنتحكم فيه ازاى.."يتبع"