انت مش كلام الناس
خليك قاعد مركز مع رأى الناس فيك وصدقنى مش هتتحرك نص خطوه للأمام، فى ناس كتير هتنصحك وتقولك الناس بتاخد بالمظاهر سيبك منهم بس انا بقولك لا الناس مش بتاخد بالمظاهر الناس بتاخد بالجوهر الداخلى..بس الجوهر الداخلى بتاعهم هم مش جوهرك انت.
فى الموضوع ده هنتكلم على نوعين
النوع الأول وهو كلام الناس اللى حواليك عموما زى اصحابك وقرايبك ومدرسينك، كل واحد فيهم شايف أنك لو عملت اللى فى دماغه هتكون احسن واحد فى الدنيا.كل واحد فيهم شايفك من وجهة نظره هو مش شايف حقيقتك كل واحد بيبص على اللى جواه وبيطبقوا عليك..مثلا لو أنت وزنك 80 كيلو وفى فى اصحابك واحد وزنه 60 كيلو وواحد تانى وزنه 100 ، اللى وزنه اقل منك هيشوفك هيقولك أنت تخين أوى واللى وزنه أعلى منك هيقولك أنت رفيع أوى يا بختك لكن السؤال هنا بيكون,أنت مين فى الأتنين ؟؟ أنت تخين ولا رفيع ؟؟ الاجابه أنك ولا واحد من دول، أنت نفسك.
لو أنت معاك شهادة معهد سنتين، وكل قرايبك متعلموش أو بالكتير معاهم أبتدائيه، طبعا هيشوفوك فخر للعيله وهتكون قدوه بالنسبه ليهم وأنت الوحيد اللى مثقف,لكن لو كان قرايبك كلهم دكاتره ومهندسيين ساعتها أنت هتكون الفرد الفاشل فى العيله وكله هيستعر منك، أنت الناجح المثقف ولا أنت الفاشل الضايع ؟ أنت ولا واحد من دول أنت نفسك.
طول مانت ماشى فى حياتك هتقابل ناس شايفينك فاشل وياريتهم بينصحوك تصلح من نفسك ازاى هم كل دورهم انتقادك ولما أنت بتهتم بكلامهم وتفضل تفكر فيه كتير ساعتها بتقتنع أنك فاشل وبتتحول لفاشل بجد، طيب لو قعدت وسط ناس مش متعلمه كلهم وانت راجل معاك "دبلون" قد الدنيا، ساعتها مش هيكون أنتقاد ليك بس هيكون مدح وتعظيم فيك وبرضو ساعتها لو اهتميت بكلامهم زياده عن اللزوم هتتحول لشخص مغرور وهتبطل تحاول انك تكون احسن وهتقف محلك سر مش هتتقدم ولا خطوه.
كل واحد من اللى بينتقدك او يعظمك عاوز الناس كلها تكون زيه بس ده مش هيحصل، عشان كده أنت لازم ترمى كلام الناس ورا ضهرك وتفضل مكمل فى طريقك وتعمل الحاجه اللى بتحبها بغض النظر عن رأى الناس فيك عارف ليه ؟؟ لأن الناس الناجحه بجد مش هتفضل مركزه معاك طول الوقت وقعد تقولك لأ دقنك طويله احلقها ولا كرشك طلع حاول تخس .. الناجح مش بيدور على مظاهر الناس هو ليه أنه يتعامل مع شخص معدنه كويس بيدور على الحلو اللى جواك مش بياخد بشكلك .. لو فضلت تسمع لكلام الناس كلها وحاولت ترضى كل واحد شويه وهتلاقى نفسك معملتش اى حاجه فى حياتك، هتلاقى اللى حواليك اتحركوا وانت واقف مكانك والعمر عدى بيك من غير ماتعمل اللى كنت عاوز تعمله.
النوع التانى من كلام الناس هو كلام الناس القريبه منك أوى وده تأثيره أخطر عليك طبعا
أمك عاوزاك تطلع دكتور عشان تساعد الناس الغلابه اللى زيها اللى مش لاقين علاج ولا تمن الكشف وأبوك عاوزك تطلع مهندس عشان يعرفك الشغل الصح ومتكونش زى المهندسين السيس اللى بيوقعوا العمارات، كل واحد فيهم عاوزك انت تحقق اللى هو مش عارفه يعمله، كل واحد فيهم عاوزك تكمل النقص اللى فيه هو، طيب وأنت ؟؟؟ حد فكر ايه اللى نفسك تعمله ؟ حد قالك انت بتحب ايه وساعدك انك توصل ليه ؟ مسموح ليك أنك تختار حياتك بس من الأختيارات اللى الناس حطيتها ليك.
الناس دى بتحبك بجد وفعلا هم نفسهم تكون أحسن واحد فى الدنيا بس أحسن واحد على طريقتهم هم..هم من ساعة ولادتك وهم راسمين طريق ومش مهم أنت عاوز ايه، وتبقى مصيبه لو أنت حاولت تخرج بره الطريق ده ساعتها هتكون أبن عاق ومش بيسمع الكلام حتى لو كان الطريق اللى انت اختارته احسن مليون مره من الطريق اللى رسموه ليك، هم أه عندهم خبره أحسن منك بس تفتكر هم شافوا كل حاجه فى الدنيا؟طيب لما هم عارفين كل حاجه فى الدنيا يبقى يقدروا يساندوك فى الطريق اللى انت اختارته ويخلوك ناجح فيه، للأسف هم خبرتهم متركزه فى المجال اللى كانوا فيه مش أكتر، أبوك يقولك يابنى ألحق ليك وظيفه فى الحكومه وهتاخد 400 جنيه بحالهم صحيح هتصرفهم من يوم 5 فى الشهر وتقعد باقى الشهر مفلس بس أهو أمان برضو.تقوله مانا ممكن اكون رجل اعمال واكسب ملايين ساعتها بيكون الرد فظيع " أحلم على قدك "
ليه تحلم على قدك ؟ طيب أبوك وخايف من البيزنس عشان عمره ما اشتغل فيه واكيد كل واحد ميعرفش حاجه معينه بيكون خايف منها,لكن ليه يربطك جنبه أنت كمان.
طبعا الموضوع ده هيخلنى ناس كتير تقول عليا أنى عيل مش متربى ومش حافظ للجميل، لأ أنا بحب أمى وأبويا أكتر من أى حاجه فى الدنيا بس دى حياتى أنا، أنا اللى هجرب كل حاجه وهفشل ساعات وهنجح ساعات، هقع وهقوم تانى أكمل مشوارى يمكن أكون مختار غلط بس لما أقع فى مشكله هتعلم منها أنى أخترت غلط .
كل اللى فات من كلامى فى ناس هتفهم أنى بقول متسمعش النصيحه من حد، لأ أسمع النصيحه وفكر كويس فيها وفى تأثيرها على حياتك وحاول تعمل بيها كمان، بس لما تكون أصلا دى نصيحه مش مجرد واحد عنده خبره معينه من حاجه وفاكر أن هو بس اللى صح وعاوزنى أكون زيه، قبل ما تاخد الكلام على أنه نصيحه وتفكر فيه هينفعك فى ايه,شوف الأول اللى قالك الكلام ده قاله بدافع أيه,يعنى اللى بيقولى متدخلش كليه طب عشان صعبه هل هو داخل طب وهو بيحبها ولا عشان عاوز يفرح عيلته ويخليهم يتفشخروا به، لو اللى قالك النصيحه شخص عاوز الناس كلها تمشى على دماغه يبقى ساعتها أرمى ورا ضهرك من غير ماتفكر فيها,لكن لو اللى قالك النصيحه شخص دارس وفاهم وناجح كمان فى حياته يبقى ساعتها تفكر فيها، ومش معنى أنك تفكر فيها يبقى تاخدها وتطبقها على حياتك على طول لازم تشوف الأول هل النصيحه دى مناسبه لحياتك ولا لا وبعدين تقرر هتعمل بيها ولا هترميها.
جه الوقت اللى تتحرر من قيود أنت اللى بتفرضها على نفسك، الناس مش هتبطل تقول رأيها فيك بس أنت لازم تبطل تحاول ترضى كل الناس لأنك فى الأخر مش هترضى حد ومش هتعمل اللى بتحبه.
تركيز مع كلام الناس= طول عمرك تعيش مهموم وحاسس بفشلك
خليك قاعد مركز مع رأى الناس فيك وصدقنى مش هتتحرك نص خطوه للأمام، فى ناس كتير هتنصحك وتقولك الناس بتاخد بالمظاهر سيبك منهم بس انا بقولك لا الناس مش بتاخد بالمظاهر الناس بتاخد بالجوهر الداخلى..بس الجوهر الداخلى بتاعهم هم مش جوهرك انت.
فى الموضوع ده هنتكلم على نوعين
النوع الأول وهو كلام الناس اللى حواليك عموما زى اصحابك وقرايبك ومدرسينك، كل واحد فيهم شايف أنك لو عملت اللى فى دماغه هتكون احسن واحد فى الدنيا.كل واحد فيهم شايفك من وجهة نظره هو مش شايف حقيقتك كل واحد بيبص على اللى جواه وبيطبقوا عليك..مثلا لو أنت وزنك 80 كيلو وفى فى اصحابك واحد وزنه 60 كيلو وواحد تانى وزنه 100 ، اللى وزنه اقل منك هيشوفك هيقولك أنت تخين أوى واللى وزنه أعلى منك هيقولك أنت رفيع أوى يا بختك لكن السؤال هنا بيكون,أنت مين فى الأتنين ؟؟ أنت تخين ولا رفيع ؟؟ الاجابه أنك ولا واحد من دول، أنت نفسك.
لو أنت معاك شهادة معهد سنتين، وكل قرايبك متعلموش أو بالكتير معاهم أبتدائيه، طبعا هيشوفوك فخر للعيله وهتكون قدوه بالنسبه ليهم وأنت الوحيد اللى مثقف,لكن لو كان قرايبك كلهم دكاتره ومهندسيين ساعتها أنت هتكون الفرد الفاشل فى العيله وكله هيستعر منك، أنت الناجح المثقف ولا أنت الفاشل الضايع ؟ أنت ولا واحد من دول أنت نفسك.
طول مانت ماشى فى حياتك هتقابل ناس شايفينك فاشل وياريتهم بينصحوك تصلح من نفسك ازاى هم كل دورهم انتقادك ولما أنت بتهتم بكلامهم وتفضل تفكر فيه كتير ساعتها بتقتنع أنك فاشل وبتتحول لفاشل بجد، طيب لو قعدت وسط ناس مش متعلمه كلهم وانت راجل معاك "دبلون" قد الدنيا، ساعتها مش هيكون أنتقاد ليك بس هيكون مدح وتعظيم فيك وبرضو ساعتها لو اهتميت بكلامهم زياده عن اللزوم هتتحول لشخص مغرور وهتبطل تحاول انك تكون احسن وهتقف محلك سر مش هتتقدم ولا خطوه.
كل واحد من اللى بينتقدك او يعظمك عاوز الناس كلها تكون زيه بس ده مش هيحصل، عشان كده أنت لازم ترمى كلام الناس ورا ضهرك وتفضل مكمل فى طريقك وتعمل الحاجه اللى بتحبها بغض النظر عن رأى الناس فيك عارف ليه ؟؟ لأن الناس الناجحه بجد مش هتفضل مركزه معاك طول الوقت وقعد تقولك لأ دقنك طويله احلقها ولا كرشك طلع حاول تخس .. الناجح مش بيدور على مظاهر الناس هو ليه أنه يتعامل مع شخص معدنه كويس بيدور على الحلو اللى جواك مش بياخد بشكلك .. لو فضلت تسمع لكلام الناس كلها وحاولت ترضى كل واحد شويه وهتلاقى نفسك معملتش اى حاجه فى حياتك، هتلاقى اللى حواليك اتحركوا وانت واقف مكانك والعمر عدى بيك من غير ماتعمل اللى كنت عاوز تعمله.
النوع التانى من كلام الناس هو كلام الناس القريبه منك أوى وده تأثيره أخطر عليك طبعا
أمك عاوزاك تطلع دكتور عشان تساعد الناس الغلابه اللى زيها اللى مش لاقين علاج ولا تمن الكشف وأبوك عاوزك تطلع مهندس عشان يعرفك الشغل الصح ومتكونش زى المهندسين السيس اللى بيوقعوا العمارات، كل واحد فيهم عاوزك انت تحقق اللى هو مش عارفه يعمله، كل واحد فيهم عاوزك تكمل النقص اللى فيه هو، طيب وأنت ؟؟؟ حد فكر ايه اللى نفسك تعمله ؟ حد قالك انت بتحب ايه وساعدك انك توصل ليه ؟ مسموح ليك أنك تختار حياتك بس من الأختيارات اللى الناس حطيتها ليك.
الناس دى بتحبك بجد وفعلا هم نفسهم تكون أحسن واحد فى الدنيا بس أحسن واحد على طريقتهم هم..هم من ساعة ولادتك وهم راسمين طريق ومش مهم أنت عاوز ايه، وتبقى مصيبه لو أنت حاولت تخرج بره الطريق ده ساعتها هتكون أبن عاق ومش بيسمع الكلام حتى لو كان الطريق اللى انت اختارته احسن مليون مره من الطريق اللى رسموه ليك، هم أه عندهم خبره أحسن منك بس تفتكر هم شافوا كل حاجه فى الدنيا؟طيب لما هم عارفين كل حاجه فى الدنيا يبقى يقدروا يساندوك فى الطريق اللى انت اختارته ويخلوك ناجح فيه، للأسف هم خبرتهم متركزه فى المجال اللى كانوا فيه مش أكتر، أبوك يقولك يابنى ألحق ليك وظيفه فى الحكومه وهتاخد 400 جنيه بحالهم صحيح هتصرفهم من يوم 5 فى الشهر وتقعد باقى الشهر مفلس بس أهو أمان برضو.تقوله مانا ممكن اكون رجل اعمال واكسب ملايين ساعتها بيكون الرد فظيع " أحلم على قدك "
ليه تحلم على قدك ؟ طيب أبوك وخايف من البيزنس عشان عمره ما اشتغل فيه واكيد كل واحد ميعرفش حاجه معينه بيكون خايف منها,لكن ليه يربطك جنبه أنت كمان.
طبعا الموضوع ده هيخلنى ناس كتير تقول عليا أنى عيل مش متربى ومش حافظ للجميل، لأ أنا بحب أمى وأبويا أكتر من أى حاجه فى الدنيا بس دى حياتى أنا، أنا اللى هجرب كل حاجه وهفشل ساعات وهنجح ساعات، هقع وهقوم تانى أكمل مشوارى يمكن أكون مختار غلط بس لما أقع فى مشكله هتعلم منها أنى أخترت غلط .
كل اللى فات من كلامى فى ناس هتفهم أنى بقول متسمعش النصيحه من حد، لأ أسمع النصيحه وفكر كويس فيها وفى تأثيرها على حياتك وحاول تعمل بيها كمان، بس لما تكون أصلا دى نصيحه مش مجرد واحد عنده خبره معينه من حاجه وفاكر أن هو بس اللى صح وعاوزنى أكون زيه، قبل ما تاخد الكلام على أنه نصيحه وتفكر فيه هينفعك فى ايه,شوف الأول اللى قالك الكلام ده قاله بدافع أيه,يعنى اللى بيقولى متدخلش كليه طب عشان صعبه هل هو داخل طب وهو بيحبها ولا عشان عاوز يفرح عيلته ويخليهم يتفشخروا به، لو اللى قالك النصيحه شخص عاوز الناس كلها تمشى على دماغه يبقى ساعتها أرمى ورا ضهرك من غير ماتفكر فيها,لكن لو اللى قالك النصيحه شخص دارس وفاهم وناجح كمان فى حياته يبقى ساعتها تفكر فيها، ومش معنى أنك تفكر فيها يبقى تاخدها وتطبقها على حياتك على طول لازم تشوف الأول هل النصيحه دى مناسبه لحياتك ولا لا وبعدين تقرر هتعمل بيها ولا هترميها.
جه الوقت اللى تتحرر من قيود أنت اللى بتفرضها على نفسك، الناس مش هتبطل تقول رأيها فيك بس أنت لازم تبطل تحاول ترضى كل الناس لأنك فى الأخر مش هترضى حد ومش هتعمل اللى بتحبه.
تركيز مع كلام الناس= طول عمرك تعيش مهموم وحاسس بفشلك
ليست هناك تعليقات:
إرسال تعليق